మీడియం విధానం

ఆకారం కలిగిన వస్తువైనా, జీవి శారీరమైన, ఏదైనా ఒకేసారి రెండు చోట్ల వుండదు, అనేది స్పష్టంగా సాధారణంగా తెలిసిన విషయమే. అలాగే మనసు దాని జ్ఞానం పూర్తిగ, వ్యక్తిగతమైనవే! మరొకరి ద్వారా వాటిని తెలియజేయడం సాధ్యం కాదు.

ఇలా సాధారణంగా కాక, భౌతికంగా ఒక చోటవుంటూ, మరోకచోట మనసును తెలియజేయగలిగితే? మాట్లాడగలిగితే?... ఇది వినటానికి అతిశయోక్తిగా ఉన్నప్పటికీ, యిది సాధ్యమే అని నిరూపించారు ఆధ్యాత్మిక విశ్వగురువు శ్రీశ్రీశ్రీ గురు విశ్వస్ఫూర్తి వారు.

భౌతికంగా పూర్ణ గురుదేవులవారు వారి స్థానంలో వారు ఉంటూనే, సుదూరంలో ఉన్నటువంటి సాధారణ వ్యక్తి శరీరంలోకి ప్రవేశించి ఉపన్యాసించేవారు వారి వద్దకు వచ్చే వారితో మాట్లాడేవారు.

కేవలం ఒక వ్యక్తిలో ప్రవేశించడమే కాకుండా... ఓకే సమయంలో వివిధ ప్రాంతాల్లో ఉన్న అనేకమంది వ్యక్తుల శరీరాలలోకి ప్రవేశించి... ఒకే సమయంలో విభిన్న విషయాలు ఉపన్యాసించేవారు, అక్కడకు వచ్చే వారియొక్క వ్యక్తిగత విషయాలు మాట్లాడేవారు, సమస్యలకు పరిష్కార మార్గాలు సూచించేవారు.

యిలా భౌతిక శరీరంతో వారు నివాసం వున్న స్థానంలోనే వుంటూ, కాలంతో - దూరంతో నిమిత్తం లేకుండా, ఏకకాలంలో, వివిధ ప్రాంతాలలో, భిన్న రీతులలో, విభిన్న సాధారణ వ్యక్తులలోకి ప్రవేశించి మాట్లాడే విధానమే శ్రీశ్రీశ్రీ గురు విశ్వస్ఫూర్తి వారి దివ్య మాధ్యమ విధానం (డివైన్ మీడియం ప్రోసెస్).

ఈ విధానంలో గురుదేవులు వారు ప్రవేశించి మాట్లాడే మీడియం యొక్క వ్యక్తిగత మనసుతో గాని వారి జ్ఞానం, మెమోరీలతో నిమిత్తం లేకుండా, ‘గురువు గారు తన మనసుతోనే స్వయంగా’ అనేక విషయాలను గురించి, మాట్లాడేవారు.

మనిషికి తెలిసినవి, భౌతికం - ఆధ్యాత్మికం రెండే మార్గాలు. సైన్స్ - మతం - వేదాంతం, దేనిలోనైనా, యీ మీడియం విధానానికి అవకాశం లేదు; అయినా గురువుగారు చేయగగలిగారు, అంటే... యుగాల నుండి నేటి వరకు మనిషికి తెలిసిన భౌతిక ఆధ్యాత్మికమే కాకుండా, ‘మూడవది’ మరేదో సృష్టిలో ఉంది అనేది వాస్తవ రూపంలో గోచరిస్తోంది కదా!

శ్రీ గురుదేవులు, మీడియంల ద్వారా పలు ప్రాంతాలలో ఏకకాలంలో, భౌతిక - ఆధ్యాత్మిక - సైన్స్ వేదాంత విషయాలపై, ఆడియన్స్ అవగాహనను బట్టి వివిధ బాషలలో యిచ్చిన ఉపన్యాసాలు, రికార్డు రూపంలో సి.డి.లు మరియు యూట్యూబ్ లో వీడియోలు కూడా ఉన్నాయి. ఈ విషయంలో ప్రత్యక్ష అనుభవాన్ని పొందిన వారూ ఎంతో మంది ఉన్నారు.

దివ్య మాధ్యమ విధానంలోనే కాకుండా మరో ప్రత్యేకమైన విధానం రెడోలెన్స్ విధానంలో పూర్ణ గురుదేవులు వారి యొక్క దివ్య ఉనికిని తెలియజేస్తుంటారు.

శ్రీశ్రీశ్రీ గురు విశ్వస్ఫూర్తి వారి మీడియం మరియు రెడోలెన్స్ విధానాలు “నభూతో నభవిష్యతి”.