రెలిజియస్ హ్యూమానిటీ

మతాల మధ్య సామరస్యత లోపించడం వలన మత ఘర్షణలతో పాటు విపరీతమైన అసమ్మతి సమాజంలో పెరగడం అందరికీ ప్రత్యక్ష అనుభవమే. ప్రస్తుత మత విధానంలో, దేనికదే ఉత్తమం అనే భావంలో, ఇతర మతాలను సహించలేని స్థితిలో, మతం ద్వారా మనిషికి మంచి కంటే చెడే ఎక్కువగా జరుగుతుందనేది వాస్తవ రూపంలో కనబడుతూనే ఉంది కదా! మనిషి పుట్టుకతోనే తత్సంబంధ కులం, మతం, స్థిరపడుతున్నాయి కనుక, మతాన్ని కాదనడానికి, వద్దు అనడానికి అవకాశం లేదు. ప్రత్యక్ష పరోక్ష రీతిలో, మత ప్రమేయం అనివార్యం. జన్మ వారసత్వంగా వస్తోంది కదా మరి! అందుకే రెలిజియన్ అనేది తప్పదు కనుక, ఆ విధానంలోనే దానిని సంస్కరించే ప్రయత్నంలో, రెలిజియన్ ను భాగం చేసుకుంటూ, ‘రెలిజియస్ హ్యుమానిటీ’ కాన్సెప్ట్ ను ప్రతిపాదించి, ప్రభోదించబడుతున్నది.

అయితే రెలిజియస్ హ్యుమానిటీ పద్దతిలో, ‘మనిషి కోసం మానవత్వం, మానవత్వం మానవ సమాజానికి’ అనే విధానంలో ఉంటుంది. మానవజాతి పేర, మనిషికి, మానవత్వానికి ఆచరణాత్మక అవినాభావ సంబంధం, స్థిరపడాలనేదే ‘రెలిజియస్ హ్యుమానిటీ’ ధ్యేయం. ‘రెలిజియస్ హ్యూమనిజం’లో, దైవారాధన పేర ఆధ్యాత్మిక ఉన్నతితో పాటు, మానవత, ఆత్మీయత, ఆదర్శ ప్రాధాన్యతను కలిగి ఉంటుంది.